Your cart is currently empty!
صبحكم الله بالخير
قبل شهرين تقريباً كنت أفكر أسوي تصميم لذوي الإحتياجات الخاصة لكن كان هدفي أظهر قوتهم وأخلي اللي يسيء لهم يعيش حالة ت خ ي ل من خلال أسلوبي المبتكر بالتصاميم
و في يوم من الأيام دخلت حساب الإعلامية المتألقة نهى نبيل
وتحت صورة من صورها ومن بين ملايين التعليقات اللي عندها ماشاءالله عيني راحت على إسم واحد
وكان هذا تعليقه
المهم دخلت على الأخ مهند بالخاص عرفته عن نفسي وقلتله أخلص إلتزاماتي ونتفق على تصميم فيلم قصير وعلى الرغم من بعد المسافة بيني وبينه هو بالسعودية وأنا بالكويت وما نعرف بعض لكن خلينا دايركت الأنستقرام هو المحور اللي نتواصل فيه وما نستسلم ونقول صعب وعرفت منه بالضبط الرساله اللي يحب يقدمها
وبعد ما ألفت السيناريو ما ترددت أصور أخوي الغالي / راشد مسلم ، مودل نيابة عن الأخ مهند ولله الحمد توفقنا بجلسة التصوير
واليوم وبعد صبر شهرين ونص تقريبا بعرض لكم الفيلم القصير اللي يعتبر شيء جداً مهم بالنسبة للأخ مهند وأكيد بالنسبة لي أيضاً
أتمنى يعجبكم وشاركونا في نشر إحساس صادق بأسلوب جديد ومبتكر
Leave a Reply