مساكم الله بالخير

قررت اختبر خيال بناتي غالية ودانة وبنت أختي الحلوة مريم في تصاميم الأكسسوارات

المهم جمعت لهم أكسسوارات قديمة ما أستخدمها وشرايط ملونة وطلبت منهم يختارون اللي يعجبهم وبعدها يصممون قلادة خاصة فيهم من نفس الأكسسوارات اللي أختاروها

هذه الخطوة تسمى إعادة تدوير للأشياء القديمة وصنع الجديد منها

إحتاروا في أختياراتهم وسرحوا بالخرز والأساور وأنا سرحت معاهم في التصوير وتوثيق إحساسهم الغريب في تفحص الإكسسوارات اللي بالنسبة لهم واااااو

وبعد البحث وفك الإكسسوارات بدون تدخل مني فاجئوني بتصاميمهم الناعمه والمتناسقه على الرغم من ان الاختيارات كانت كثيرة

ملاحظة : دانة خيالها فرض عليها تسوي قلادة وإسوارة وأنا رحبت بالفكرة طبعاً

الشيء الوحيد اللي ساعدتهم فيه تركيب قفل القلادة باستخدام المسدس الحراري وحرق طرف الشريطة

خيالهم جميل ونتعلم منهم 

أن مهما كانت الاختيارات كثيرة لازم نختار بحذر

واتمنى يعجبكم خيالي في لقطاتهم العفوية

الرابط المباشر لمقطع الفيديو

https://www.youtube.com/watch?v=uirdXq52N7k&feature=youtu.be