fbpx
Used before category names. MY KIDS, Photography, ت خ ي ل

الكويت .. حب صادق

الكويت .. حب صادق

بوستر

صبحكم الله بالخير

مرت علينا إجازة العيد الوطني وعيد التحرير في دولة الكويت الحبيبة

٢٥ – ٢٦ \ فبراير

بالنسبة لي  طبعا كانت ممتعة إني أديت واجبي مع الأهل وخيطت لبناتي فساتين الإحتفال على ألوان علم الكويت الجميل من تصميمهم أول مره يتشرطون علي بالموديل

واستمتعوا باستخدام باقي الأقمشة لعرايسهم واحتفلنا وطلعت المسيرة بعد غياب سنوات وهذه أول مسيرة معاهم في شارع الخليج العربي حبيت أوثقها وأشارككم فيها

بس بصراحة أنا جداً سعيدة إني أخذت كامرتي وما استسلمت في لحظة تردد إني ما آخذها لأن الصور قمة بالعفوية وتعبر عن فرحتهم في عمر كنت أنا وأخواني مثلهم لكن الفرق إني عشت فترة الغزو وبيوم التحرير طلعنا واحتفلنا مع أهلي والفرحة ما تنوصف بالكلام ، ٢٥ سنة وما نقدر ننسى اللي صار

في كل لقطة بتشوفونها وبكل لحظة وأنا أجهز للمسيرة دمعتي على خدي أو خانقتني العبرة ليش ما أدري

حب صادق لحبيبتي الكويت أنقله لعيالي بس ما أتمنى يعيشون اللي عشناه في فترة الغزو العراقي

الله يديم الأمن والأمان ورحمة الله على الشهداء الأبطال وأموات المسلمين جميعاً

أتمنى الصور تعجبكم وخياطتي وتصاميم بناتي أيضاً

🙂

ماشاءالله

كواليس التجهيزات

 عيالي : غالية ، دانة وشاهين

ماشاءالله

لقطات من مظاهر المسيرة

 

دمتي حرة يا الكويت

IMG_8149

حقوق الصور محفوظة للمدونة فقط

Used before post author name.
الفيلم القصير أنا .. رسالة صادقة

Leave a Reply

copyright © 2021 blogimagine.net All Rights Reserved
%d bloggers like this: